Handknattleikskonan efnilega hjá Val, Ásdís Þóra Ágústsdóttir, hefur skrifað undir samning við sænska úrvalsdeildarliðið Lugi í Lundi í Svíþjóð. Hún gengur til liðs við félagið í sumar eftir að keppnistímabilinu lýkur hér á landi. Um er að ræða tveggja ára lánssamning þar sem Ásdís Þóra hefur tök á að losa sig undan eftir fyrra árið ef henni líkar ekki lífið.
Ásdís Þóra, sem er miðjumaður, varð 19 ára gömul á dögunum. Hún hefur leikið með meistaraflokki Vals í þrjú ár. Á þeim tíma hefur hlutverk hennar vaxið ár frá ári. Ásdís Þóra hefur leikið með öllum yngri landsliðum Íslands og var síðust kölluð inn til æfinga með U 19 ára landsliðinu sem kemur saman til æfinga um aðra helgi.
Óslípaður demantur
„Það er okkar mat að Ásdís Þóra sé óslípaður sem mun smellpassa inn í okkar unga og efnilega lið,“ er haft eftir Kenneth Andersson, þjálfara og íþróttastjóra Lugi á heimsíðu félagsins.
„Ásdís er afar hæfileikarík er hefur alla möguleika til að taka miklum framförum með komu sinni í öflugri deild,“ er ennfremur haft eftir Andersson.
Lugi hafnaði í níunda sæti sænsku úrvalsdeildarinnar en keppni lauk í gærkvöld.
