Síðasti leikur ársins í Olísdeild kvenna fer fram að Varmá í kvöld þegar Haukar sækja Aftureldingu heim klukkan 18.30. Þar með lýkur 10. umferð. Þráðurinn verður tekinn upp 6. janúar. Langt hlé sem er framundan skýrist af þátttöku íslenska landsliðsins á heimsmeistaramótinu sem hefst 29. nóvember.
Haukar eru í öðru sæti Olísdeildar kvenna eftir að Valur laumaði sér í efsta sætið í gærkvöld með sigri á Val í Eyjum. Afturelding er í sjöunda og næst neðsta sæti.
Þrír leikir fara fram í Poweradebikarkeppni karla, 16-liða úrslitum. Að þeim loknum bætast þrjú lið við í hóp þeirra sem taka sæti í 8-liða úrslitum keppninnar. Afturelding, Selfoss og Stjarnan eru þegar komin í átta liða úrslit.
Einnig eru tveir leikir á dagskrá í Grill 66-deild kvenna, 8. umferð.
Leikir kvöldsins
Olísdeild kvenna:
Varmá: Afturelding – Haukar, kl. 18.30.
Staðan og næstu leikir í Olísdeildum.
Grill 66-deild kvenna:
Safamýri: Víkingur – Valur U, kl. 19.30.
Úlfarsárdalur: Fram U – Grótta, kl. 19.40.
Staðan og næstu leikir í Grill 66-deildum.
Poweradebikar karla, 16-liða úrslit:
Vestmannaeyjar: ÍBV 2 – Valur, kl. 17.30.
Skógarsel: ÍR – FH, kl 18.
Fjölnishöll: Fjölnir – KA, kl. 18.
Hægt verður að horfa á útsendingu frá öllum leikjum í handboltapassa HSÍ í sjónvarpi Símans.
