Halldór Kristinn Harðarson handknattleiksmaður hjá Þór á Akureyri hefur hrint af stað söfnun til að standa að einhverju leyti straum af kostnaði vegna veikinda bróður hans, Árna Elliott.
Vakin er athygli á söfnuninni á Akureyri.net og einnig á félagssíðum handknattleiksdeildar Þórs.
Árni Elli hefur þurft að dvelja langdvölum í Portúgal eftir að hann greindist með sjaldgæfan lungnasjúkdóm, PAP (Pulmonary alveolar proteinosis), og svo fleiri fylgikvilla í framhaldinu, til dæmis sjálfsofnæmi, covid og fleira. Læknar hafa bannað honum að fljúga í því ástandi sem hann er og því kemst hann ekki heim. Hann hefur þurft að dvelja á einkareknu sjúkrahúsi og gengist undir meðferðir sem hafa kostað mikið.
„Mér finnst mjög erfitt að gera þetta og hélt ég að ég þyrfti aldrei að standa í þessu,“ skrifar Halldór í færslu á Facebook og Akureyri.net vitnar til Halldór og biður um hjálp. „Ef einhver gæti mögulega hjálpað til þá værum við ævinlega þakklát.“
„Ein lítil króna hjálpar. Handknattleiksdeild Þórs skorar á alla Þórsara, alla Akureyringa og alla handboltamenn og konur á landinu að hjálpa eins mikið og hver og einn ræður við,“ segir í tilkynningu Þórs.
Reikningurinn er nýstofnaður og er í nafni Halldórs:
Reikningsnúmer: 511-14-54628
Kennitala: 020493-2839
Nánar er fjallað veikindi Árna og söfnun fjölskyldunnar á Akureyri.net.
