Fyrsta og eina viðureign kvennalandsliða Íslands og Grænlands í fór fram í Hertzhöllinni á Seltjarnarnesi fyrir 25 árum. Var um sögulegan leik að ræða því þetta var fyrsti opinberi landsleikur Grænlendinga í handknattleik kvenna, eins og sagt var frá í Morgunblaðinu í myndatexta þriðjudaginn 29. desember. Leikurinn fór fram tveimur dögum áður.
Íslenska landsliðið vann leikinn sem fram fór í Hertzhöllinni á Seltjarnarnesi með 21 marks mun, 37:16, eftir að hafa verið 13 mörkum yfir að loknum fyrri hálfleik, 20:7.
Mörk Íslands skoruðu: Herdís Sigurbergsdóttir 7, Svava Sigurðardóttir 5, Hrafnhildur Ósk Skúladóttir 5, Inga Fríða Tryggvadóttir 5, Ragnheiður Stephensen 4, Judit Esztergál 4, Brynja Steinsen, 3, Harpa Melsted 2, Thelma Björk Árnadóttir 1, Gerður Beta Jóhannsdóttir 1.
Leikur Íslands og Grænlands í fyrstu umferð riðlakeppni forsetabikarkeppni heimsmeistaramóts kvenna í handknattleik hefst klukkan 17 í dag í Frederikshavn í Danmörku. Handbolti.is er í Frederikshavn og fylgist með leiknum í textalýsingu úr keppnishöllinni.
