Verkföll standa fyrir dyrum hjá samtökum lestarstjóra í Þýskalandi hjá Deutsche Bahn frá 10. til 12. janúar. Verði af verkfallinu getur það haft gríðarlega áhrif á ferðlaög innan Þýskalands og milli nágrannalanda. Í tilkynningu sem Handknattleikssambands Evrópu sendi frá sér eru ferðalangar beðnir um að fylgjast vel með hvort af verkfallinu verður.
Í tilkynningu EHF segir að verkfallið eigi að hefjast klukkan 02.00 hinn 10. janúar og standa til klukkan 18.00 föstudaginn 12. janúar.
Þúsundir Íslendinga fara til Þýskalands á næstu dögum vegna Evrópumótsins í handknattleik. Verkfallið mun ekki hafa áhrif á þá sem ferðast beint til München frá Íslandi. Hinsvegar getur það sett strik í reikning annarra fara til annarra flugvalla í Þýskalandi og ferðast þaðan með lestum til München.
Deutsche Bahn er eitt af samstarfsfyrirtækjum þýska handknattleikssambandsins vegna Evrópumótsins og hafa gestir mótsins, m.a. fjölmiðlamenn verið hvattir til þess að nýta lestarsamgöngur á milli borga í Þýskalandi í stað þess að leigja bíla.
Nánari upplýsingar er finna á heimasíðu þýsku jarnbrautanna.
