„Við lékum frábæran sóknarleik í dag, tókst að laga það sem þurfti að laga frá leiknum við Serba. Við bara klúðruðum dauðafærum. Ef hornamennirnir okkar hefðu verið á pari í dag þá hefði leikurinn verið töluvert þægilegri,“ sagði Aron Pálmarsson fyrirliði íslenska landsliðsins eftir sigurinn á Svartfellingum, 31:30, á Evrópumótinu í handknattleik karla í München.
„Ég er ánægður með liðið og hvernig það brást við eftir síðasta leik þar sem margt mátti betur fara,“ sagði Aron sem horfir bjartsýnn fram á veginn til næsta leiks. “Það á að vera auðvelt að laga nýtinguna í opnum færum. Meðan við spilum frábæran leik getum við og megum laga seinna tempóið í hraðaupphlaupum því við viljum keyra upp hraðann. Við getum fengið meira úr hraðaupphlaupum,“ sagði Aron.
„Ég hafði engar áhyggur í lokin,“ bætt fyrirliðinn við léttur í bragði með fyrsta sigurinn á EM sem stóð glöggt. Björgvin Páll Gústavsson markvörður varði síðasta markskot Svartfellinga rétt áður en leiktíminn var úti. „Það var frábært að fá Bjögga inn. Hann kom sterkur til leiks og varði sín fyrstu skot. Við þurfum á báðum markvörðunum að halda.“
Lengra hljóðritað viðtal við Aron er að finna hér fyrir neðan.
