Einar Þorsteinn Ólafsson og Kristján Örn Kristjánsson, Donni, verða utan leikmannahópsins sem mætir þýska landsliðinu í handknattleik í fyrstu umferð milliriðlakeppni Evrópumótsins klukkan 19.30 í kvöld. Donni var í hópnum gegn Ungverjum í fyrrakvöld.
Óðinn Þór Ríkharðsson kemur í hans stað inn í liðið. Einar Þorsteinn var einnig utan leikmannahópsins gegn Ungverjum.
Leikurinn fer fram í Lanxess Arena í Köln. Handbolti.is verður með textalýsingu úr keppnishöllinni. Uppselt er á leikinn, 19.250 áhorfendur.
Eftirtaldir leikmenn taka slaginn við Þýskalandi í kvöld.
Markverðir:
Björgvin Páll Gústavsson, Val (263/21).
Viktor Gísli Hallgrímsson, HBC Nantes (54/1).
Aðrir leikmenn:
Arnar Freyr Arnarsson, MT Melsungen (90/96).
Aron Pálmarsson, FH (173/657).
Bjarki Már Elísson, Telekom Veszprém (110/384).
Elliði Snær Viðarsson, VfL Gummersbach (42/86).
Elvar Örn Jónsson, MT Melsungen (71/165).
Gísli Þorgeir Kristjánsson, SC Magdeburg (56/124).
Haukur Þrastarson, Barlinek Industria Kielce (27/32).
Janus Daði Smárason, SC Magdeburg (77/121).
Óðinn Þór Ríkharðsson, Kadetten Schaffhausen (34/92).
Ómar Ingi Magnússon, SC Magdeburg (79/275).
Sigvaldi Björn Guðjónsson, Kolstad Håndball (68/195).
Stiven Tobar Valencia, Benfica (11/11).
Viggó Kristjánsson, SC DHfK Leipzig Handball (49/133).
Ýmir Örn Gíslason, Rhein-Neckar Löwen (83/35).
