Myndskeið: Skoraði Óðinn Þór mark Evrópumótsins?

Eitt af sex mörkum Óðins Þórs Ríkharðssonar gegn Frökkum á Evrópumótinu í handknattleik í dag hlýtur að koma sterklega til greina sem mark Evrópumótsins. Stórkostlegt sirkusmark eftir sendingu frá Gísla Þorgeiri Kristjánssyni, samvinna af allra bestu gerð.

Óðinn Þór stökk inn úr horninu, greip sendingu Gísla Þorgeirs og kastaði aftur fyrir sig á milli markvarðar og markstangar. Eins og nærri má geta vakti markið mikla kátínu á meðal 19 þúsund áhorfenda í Lanxess Arena í Köln.

BEST GOAL OF THE #EHFEURO2024?? 🤯🤯🤯#heretoplay pic.twitter.com/5a7RtSv4vZ

— EHF EURO (@EHFEURO) January 20, 2024