Ragnheiður Sveinsdóttir hefur framlengt samningi sínum við handknattleiksdeild Hauka til næstu tveggja ára. Ragnheiður sem er uppalin hjá Haukum hefur verið í mikilvægu hlutverki hjá liðinu bæði í vörn og sókn á þessu leiktímabili ásamt því síðasta.
Ragnheiður leikur í stöðu línumanns og hefur átt stóran þátt í bættu gengi liðsins á þessu tímabili enda ein af leikreyndari leikmönnum liðsins um þessa mundir.
Ragnheiður er einnig öflug í varnarleik Haukaliðsins sem lék til undanúrslita um Íslandsmeistaratitilinn í vor sem leið og tapaði naumlega fyrir ÍBV.
Ragnheiður lék með Val frá 2019 til 2022.
„Haukar fagna áframhaldandi veru Ragnheiðar í herbúðum félagsins og hlakka til að fylgjast með henni í komandi baráttu hjá meistaraflokki kvenna á tímabilinu,“ segir í tilkynningu Hauka frá í gærkvöld.
Staðan og næstu leikir í Olísdeildum.
