Handknattleiksdeild HK hefur lagt fram tillögu fyrir ársþing HSÍ, sem fram fer á mánudaginn, að liðum verði fjölgað í allt að 10 í Olísdeild kvenna frá og með næstu keppnistíð. Farið verði úr átta upp í 10 og að þar með verði leikin þreföld umferð.
Þetta kemur fram í þingskjölum sem birt hafa verið á vef Handknattleikssambands Íslands.
Í greinargerð með tillögunni segir m.a. að: „Eins og staðan er núna eru of fá lið í Olísdeild – leikmenn dreifa sér á of fá lið – fáir leikmenn eru að fara úr Olísdeildinni í Grilldeildina og vilja frekar vera á bekknum í Olísdeildinni.“
Þar kemur ennfremur fram í greinagerðinni að lið eigi eigi erfitt með að festa sig í sessi í deildinni eins og nú er í átta liða deild. Lið sem falla úr deildinni séu í verulegri hættu á að flosna upp. Leikmenn róa á önnur mið í stað þess að taka slaginn og freista þess að vinna liðinu sæti á nýjan leik í Olísdeildinni.
„Þetta fyrirkomulag gerir að verkum að fleiri lið fá einhver hlutverki eftir deild – fleiri lið í úrslitakeppni, nánast bara lið sem fellur og liðið vinnur sig beint upp sem hafa hlutverk eftir deild,“ segir í greinagerð Handknattleiksdeildar HK með tillögu sinni sem verður tekin fyrir á rafrænu ársþingi Handknattleikssambands Íslands sem fram fer á mánudaginn.
