„Heilt yfir var varnarleikurinn okkar frábær. Við duttum aðeins niður í síðari hálfleik þegar við létum aðeins stíga okkur út. Um leið misstum við aðeins þráðinn og töpuðum niður sjö marka forskoti niður í tvö en stóðum þetta af okkur,“ sagði Kári Kristján Kristjánsson leikmaður ÍBV við handbolta.is eftir sex marka sigur ÍBV á Haukum, 33:27, í fyrri undanúrslitaleik Powerade-bikarsins í handknattleik karla í Laugardalshöll í kvöld.
„Það er alltaf mikil spenna og gaman í bikarleikjum þegar allt er undir. Við erum stóruleikjakallamenn og við vorum með leikinn allan tímann þótt Haukum hafi tekist að minnka muninn í síðari hálfleik. Við erum komnir í úrslit. Það skiptir öllu máli,“ sagði sigurreifur Kári Kristján Kristjánsson hinn þrautreyndi línumaður ÍBV í Laugardalshöll í kvöld.
