Díana Dögg Magnúsdóttir, landsliðskona í handknattleik, lék í kvöld með BSV Sachsen Zwickau í fyrsta sinn frá 27. janúar þegar hún handarbrotnaði í kappleik. Hún skoraði eitt mark og átti fimm stoðsendingar þegar lið hennar tapaði með 10 marka mun fyrir Thüringer HC, 33:23, á útivelli í upphafsleik 18. umferðar þýsku 1. deldarinnar í handknattleik.
Til viðbótar skapaði Díana Dögg tvö færi, fiskaði tvö vítaköst og stal boltanum tvisvar og varði eitt skot í vörninni.
BSV Sachsen Zwickau er í 11. sæti af 14 liðum deildarinnar með átta stig. Solingen er stigi á eftir og á leik til góða á heimavelli gegn Buxtehuder SV á laugardaginn.
Thüringer HC er á hinn bóginn í góðum málum í þriðja sæti deildarinnar með 27 stig, fimm stigum á eftir Bietigheim sem trónir á toppnum eins og fyrri daginn.
Áhugasamir um stöðuna í nokkrum deildum evrópsks handknattleiks, þar á meðal þýsku 1. deild kvenna, er vinsamlega bent á að smella hér.
