„Ég er fyrst og fremst ánægður með að ná þessum sigri. Það hefði verið svekkjandi ef Stjörnunni hefði tekist að jafna vegna þess að við vorum búnir að vera með yfirhöndina frá fyrstu mínútu,“ sagði Gunnar Magnússon þjálfari Aftureldingar sem hrósaði happi eftir eins marks sigur á Stjörnunni í fyrstu viðureign liðanna í átta liða úrslitum Olísdeildar karla í handknattleik að Varmá í kvöld, 29:28.
„Við áttum að klára þennan leik betur, vorum bara alls ekki nógu klókir síðustu 10 mínúturnar en svona er úrslitakeppnin. Stjarnan er með hörkulið frábæra leikmenn. Svona er þetta bara,“ sagði Gunnar sem mætir með sveit sína til leiks í Mýrinni á laugardaginn klukkan 16. „Það verður bara gaman að mæta í Garðabæ á laugardaginn,“ bætti Gunnar við.
Lengra myndskeiðsviðtal við Gunnar er hér fyrir neðan.
