Deildar- og bikarmeistarar Vals taka á móti ÍBV í þriðju viðureign liðanna í undanúrslitum Olísdeildar kvenna í handknattleik í kvöld. Viðureign liðanna fer fram í N1-höll Valsara á Hlíðarenda og hefst klukkan 19.40.
Valur vann tvo fyrstu leiki liðanna í undanúrslitum, nokkuð örugglega, 28:22 og 34:23. Nú er spurningin sú hvort kvennaliði ÍBV tekst að feta í fótspor karlaliðsins sem einnig var tveimur vinnngum undir gegn FH en tókst að svara fyrir sig.
Ef ÍBV tapar í kvöld fellur liðið úr leik og Valur leikur til úrslita um Íslandsmeistaratitilinn við Fram eða Hauka sem mætast þriðja sinni á morgun.
Leikur kvöldsins
Olísdeild kvenna, undanúrslit, 3. umferð:
N1-höllin: Valur – ÍBV (2:0), kl. 19.40.
– Leikurinn verður sendur út á Handboltapassanum en einnig í opinni dagskrá í sjónvarpi Símans.
Sjá einnig:
Umspil Olís kvenna: leikjadagskrá og úrslit
Umspil Olís karla: leikjadagskrá og úrslit
Olís kvenna: Úrslitakeppni, leikjadagskrá
Olís karla: Leikjadagskrá, úrslitakeppni
