Nýliðarnir semja við Alex til tveggja ára

Nýliðar Olísdeildar karla í handknattleik á næstu leiktíð, Fjölnir í Grafarvogi, hafa tryggt sér áframhaldandi krafta Alex Mána Oddnýjarsonar.

Alex Máni er hægri hornamaður sem leikið hefur upp yngri flokka félagsins og verið einn traustasti leikmaður meistaraflokksliðsins á undanförnum árum.

Alex Máni skoraði 66 mörk í 18 leikjum Fjölnis í Grill 66-deildinni í vetur. Nýr samningur hans við Grafarvogsliðið er til tveggja ára.