Næst síðasta umferð Olísdeildar kvenna í handknattleik fer fram í dag með fjórum leikjum sem hefjast allir á sama tíma. KA/Þór og Fram eru efst með 18 stig hvort lið fyrir leiki dagsins. KA/Þór leikur síðasta heimaleik sinn í deildarkeppninni þegar liðið fær Val í heimsókn í KA-heimilið og á sama tíma og Fram sækir botnlið FH heim í Kaplakrika. Fram og KA/Þór mætast í lokaumferð deildarinnar eftir viku.
Í Kórnum mætast HK og Haukar. Tveimur stigum munar á liðunum í sjötta og sjöunda sæti. Ef HK ætlar að komast hjá að leika í umspili um sæti þá er liðinu nauðsynlegt að vinna í dag og jafna þar með Hauka að stigum og hugsanlega Stjörnuna einnig. Stjarnan er með 11 stig og eins Haukar. ÍBV kemur í heimsókn í TM-höllina í Garðabæ.
Heil umferð dreifist yfir daginn í Grill 66-deild karla þar sem tvö efstu liðin verða í eldlínunni hvort á sínum tímanum. Víkingur fær neðsta lið deildarinnar, Fram U, í heimsókn klukkan 14 og HK tekur á móti Herði frá Ísafirði í Kórnum klukkan 19.30 í kvöld. HK og Víkingur eru efst í deildinni eftir 14 umferðir af 18 með 24 stig hvort. Eitt lið fer beint upp í Olísdeildina á næstu leiktíð og annað fer upp eftir umspilsleiki milli liða í Grill 66-deildinni sem fram fer eftir að deildarkeppnin verður á enda runnin.
Olísdeild kvenna:
TM-höllin: Stjarnan – ÍBV. kl. 13.30 – sýndur hjá Stöð2 Sport.
Kaplakriki: FH – Fram, kl. 13.30 – sýndur hjá FHtv.
KA-heimilið: KA/Þór – Valur, kl. 13.30 – sýndur hjá KAtv.
Kórinn: HK – Haukar, kl. 13.30 – sýndur hjá HKtv.
Staðan í Olísdeild kvenna.
Grill 66-deild karla:
Víkin: Víkingur – Fram U, kl. 14.
Schenkerhöllin: Haukar U – Valur U, kl. 14.
Dalhús: Fjölnir – Vængir Júpiters, kl. 16.
Hleðsluhöllin: Selfoss – Kría, kl. 17 – sýndur hjá Selfosstv.
Kórinn: HK – Hörður, kl. 13.30 – sýndur hjá HKtv.
Staðan í Grill 66-deild karla.
