Fyrsti leikur Hauks

- Auglýsing -

Haukur Þrastarson tók þátt í sínum fyrsta kappleik með pólska meistaraliðinu Vive Kilce í dag þegar liðið mætti Szczerin á heimavelli og vann öruggan 15 marka sigur, 37:22, í annarri umferð pólsku úrvalsdeildarinnar í handknattleik.

Haukur skoraði ekki mark í leiknum en kom aðeins við sögu en hann er nýkominn af stað eftir að hafa ristarbrotnað í sumar.

Sigvaldi Björn Guðjónsson, annar íslenskur landsliðsmaður, lék að vanda í hægra horninu hjá Kielce-liðinu og skoraði tvö mörk.

Kielce hefur unnið tvo fyrstu leiki sína í deildinni nokkuð örugglega eins og við má búast enda hefur liðið verið með yfirburði í deildinni síðustu árin.