Stelpurnar í U16 ára landsliði kvenna Í handknattleik mættu Færeyjum í fyrri vináttuleik liðanna í hádeginu í dag í Safamýri. Stelpurnar mættu grimmar til leiks og höfðu frumkvæðið frá upphafi en um miðjan hálfleikinn var forskotið fimm mörk, 13:8. Þær bættu svo bara í seinni hluta hálfleiksins og staðan að honum lokunum, 20:12.
Í seinni hálfleik komst færeyska liðið aldrei nálægt því íslenska og niðurstaðan öruggur sigur Íslands, 32:23. Liðin mætast á ný á morgun kl. 12 í Safamýri.
Mörk Íslands: Ebba Guðríður Ægisdóttir 5, Tinna Ósk Gunnarsdóttir 4, Roksana Jaros 4, Agnes Lilja Styrmisdóttir 3, Vigdís Arna Hjartardóttir 3, Hafdís Helga Pálsdóttir 3, Silja Katrín Gunnarsdóttir 2, Hrafnhildur Markúsdóttir 2, Eva Steinsen Jónsdóttir 2, Dagný Þorgilsdóttir 1, Klara Káradóttir 1, Laufey Helga Óskarsdóttir 1 og Guðrún Antonía Jóhannsdóttir 1.
Arna Sif Jónsdóttir varði 5 skot og Danijela Sara Björnsdóttir 3.
Leikirnir eru liður í Opna Evrópumótinu sem bæði landslið taka þátt í og fer fram í Gautaborg eftir um mánuð.
Sjá einnig: Yngri landslið.
