Landslið Íslands í handknattleik, skipað stúlkum 18 ára og yngri vann færeyska landsliðið með fimm marka mun, 29:24, í fyrri vináttuleik helgarinnar í íþróttahúsinu í Safamýri í dag. Forskotið var fjögur mörk þegar fyrri hálfleikur var að baki, 14:10.
Jafnræði var með liðunum í byrjun fyrri hálfleiks og þegar hann var hálfnaður var staðan jöfn, 5:5. Þá tóku íslensku stelpurnar góðan sprett og höfðu frumkvæðið út hálfleikinn þar sem þær leiddu, 14:10.
Íslensku stelpurnar héldu sömu ákefð í seinni hálfleiknum og komust þær færeysku aldrei nálægt og lokatölur 29:24 sigur Íslands.
Mörk Íslands: Bergrós Ásta Guðmundsdóttir 7, Guðrún Hekla Traustadóttir 5, Ásrún Inga Arnarsdóttir 3, Dagmar Guðrún Pálsdóttir 4, Alexandra Ósk Viktorsdóttir 2, Lydía Gunnþórsdóttir 2, Þóra Hrafnkelsdóttir 2, Ágústa Rún Jónasdóttir 2, Ásthildur Jóna Þórhallsdóttir 1 og Arna Karítas Eiríksdóttir 1.
Varin skot: Ingibjörg Lovísa Hauksdóttir 5, Ingunn María Brynjarsdóttir 5, Elísabet Millý Elíasardóttir 4.
U18 ára landslið Íslands tekur þátt í heimsmeistaramótinu sem fram fer í Kína í ágúst.
Seinni leikur liðanna er á morgun kl. 14, einnig í Safamýri.
Sjá einnig: Yngri landslið.
