- Auglýsing -
Handbolti.is tekur saman helstu breytingar sem hafa orðið eða verða á högum íslenskra handknattleiksþjálfara, jafnt utan lands sem innan, frá leiktíðinni 2023/2024 til 2024/2025.
Skráin verður reglulega uppfærð.
Athugasemdir eða ábendingar: [email protected]
- Sebastian Alexandersson og Guðfinnur Kristmannsson hættu þjálfun karlaliðs HK.
- Axel Stefánsson hættir þjálfun kvennaliðs Storhamar í Noregi.
- Halldór Jóhann Sigfússon hætti þjálfun karlaliðs Nordsjælland í Danmörku, flutti heim og tók við þjálfun karlaliðs HK.
- Arna Valgerður Erlingsdóttir hætti þjálfun kvennaliðs KA/Þórs.
- Þorvaldur Þorvaldsson hætti þjálfun kvennaliðs KA/Þórs.
- Jónatan Þór Magnússon tók við þjálfun kvennaliðs KA/Þórs.
- Sigurgeir Jónsson (Sissi) hætti þjálfun kvennaliðs Stjörnunnar. Hann bættist við í þjálfaratreymi kvennalið Vals og yngri flokka félagsins í lok ágúst.
- Patrekur Jóhannesson tók við þjálfun kvennaliðs Stjörnunnar.
- Hanna Guðrún Stefánsdóttir er aðstoðarþjálfari kvennaliðs Stjörnunnar.
- Jón Brynjar Björnsson og Andrés Gunnlaugsson hættu þjálfun kvennaliðs Víkings.
- Sebastian Alexandersson tók við þjálfun kvennaliðs Víkings.
- Ólafur Stefánsson hætti þjálfun karlaliðs EHV Aue í Þýskalandi.
- Þórir Ólafsson hætti þjálfun karlaliðs Selfoss.
- Carlos Martin Santos tók við þjálfun karlaliðs Selfoss.
- Sverrir Eyjólfsson hætti þjálfun karlaliðs Fjölnis.
- Jón Gunnlaugur Viggósson hætti þjálfun karlaliðs Víkings. Hann var síðar í sumar ráðinn íþróttastjóri HSÍ frá og með 1. september.
- Grétar Áki Andersen er aðstoðarþjálfari kvennaliðs ÍR og þjálfari 3. flokks kvenna.
- Arnar Daði Arnarsson er aðstoðarþjálfari karlaliðs Stjörnunnar.
- Guðlaugur Arnarsson lé af starfi aðstoðarþjálfara karlaliðs KA.
- Vilhelm Gauti Bergsveinsson er aðstoðarþjálfari karlaliðs HK.
- Einar Jónsson hætti þjálfun kvennaliðs Fram.
- Gunnar Steinn Jónsson tók við þjálfun karlaliðs Fjölnis.
- Guðmundur Helgi Pálsson hætti þjálfun kvennaliðs Aftureldingar.
- Sigríður Unnur Jónsdóttir hætti þjálfun kvennaliðs Gróttu. Hún starfaði við hlið Sigurjóns Friðbjörns Björnssonar sem heldur sínu striki. Sigríður Unnur sneri sér að þjálfun yngri flokka kvenna hjá Val.
- Arnór Þór Gunnarsson ráðinn þjálfari Bergischer HC við annan mann til tveggja ára.
- Andri Snær Stefánsson verður aðstoðarþjálfari karlaliðs KA.
- Aðalsteinn Eyjólfsson tók við þjálfun karlaliðs Víkings.
- Viktor Lekve aðstoðarþjálfari karlaliðs síðustu 3 ár lét af störfum.
- Guðmundur Rúnar Guðmundsson tók við sem aðstoðarþjálfari karlaliðs Fjölnis.
- Jón Brynjar Björnsson tók við þjálfun kvennaliðs Aftureldingar.
- Erlingur Birgir Richardsson tók að sér þjálfun og ráðgjöf hjá Handball Mödling.
- Rakel Dögg Bragadóttir og Arnar Pétursson tóku við þjálfun kvennaliðs Fram.
- Gunnar Líndal Sigurðsson er aðstoðarþjálfari karlaliðs Þórs.
- Atli Kristinsson er aðstoðarþjálfari karlaliðs Selfoss.
- Eva Hrund Harðardóttir er aðstoðarþjálfari kvennaliðs HK.
Sjá einnig:
Konur – helstu félagaskipti 2024
Karlar – helstu félagaskipti 2024
- Auglýsing -
