Hjörtur Ingi Halldórsson og samherjar hans í HK gefa ekki þumlung eftir á leið sinni upp í Olísdeild karla í handknattleik. Þeir lögðu ungmennalið Hauka, 27:20, í Kórnum í kvöld í næsta síðustu umferð Grill 66-deildarinnar. HK var fjórum mörkum yfir í hálfleik, 13:9.
HK er þar með áfram í efsta sæti deildarinnar með 30 stig eftir 17 leiki og mætir neðsta liði deildarinnar, ungmennalið Fram, í lokaumferð deildarinnar á föstudagskvöld en ungmennalið Fram hefur aðeins önglað í eitt stig á keppnistímabilinu og virðist ekki líklegt til að verða þrándur í götu Kópavogsliðsins. Ekkert frekar en ungmennalið Hauka í Kórnum í kvöld.
Mörk HK: Hjörtur Ingi Halldórsson 7, Einar Bragi Aðalsteinsson 5, Símon Michael Guðjónsson 5, Kristján Pétur Barðason 4, Bjarki Finnbogason 2, Kári Tómas Hauksson 1, Sigurður Jefferson Guario 1, Einar Pétur Pétursson 1, Kristján Ottó Hjálmsson 1.
Mörk Hauka U.: Guðmundur Bragi Ástþórsson 5, Jakob Aronsson 5, Þorfinnur Máni Björnsson 4, Jón Karl Einarsson 3, Róbert Snær Örvarsson 2, Kristófer Máni Jónasson 1.
Staðan í Grill 66-deild karla.
