Ásthildur Bertha verður áfram í Skógarseli

Ásthildur Bertha Bjarkadóttir hefur framlengt samningi sínum við handknattleiksdeild ÍR til næstu tveggja ára. Ásthildur Bertha, sem er örvhentur hornamaður, kom til ÍR fyrir tveimur árum frá Stjörnunni. Hún skoraði 47 mörk í 21 leik með nýliðum ÍR í Olísdeildinni á síðasta keppnistímabili.

„Það eru mikil gleðitíðindi að Ásthildur verði áfram með okkur enda búin að vera lykilleikmaður síðustu tvö ár. Það er gaman að fá að þjálfa hana og ég hlakka til áframhaldandi samstarfs,“ er haft eftir Sólveigu Láru Kjærnested þjálfara ÍR í tilkynningu frá handknattleikdeild félagsins.