Þórir Hergeirsson fagnaði sigri með norska landsliðinu sínu gegn því franska þegar Evrópumeistararnir og heimsmeistararnir í handknattleik kvenna mættust í fyrri vináttuleiknum í Pau í suðvesturhluta Frakklands í kvöld, 34:22.
Noregur var fjórum mörkum yfir að loknum fyrri hálfleiks, 15:11. Síðari viðureignin í heimsókn norska landsliðsins til þess franska verður á laugardaginn.
Henny Reistad var markahæst í norska liðinu í leiknum með átta mörk. Kristine Breistøl var næst með sex mörk. Katrine Lunde markvörður stóð sannarlega fyrir sínu í markinu. Nora Mørk tók ekki þátt í leiknum.
Takmarkaðar upplýsingar er að finna um franska landsliðið.
Margir veðja á að liðin mætist í úrslitum handknattleikskeppni Ólympíuleikanna sem hefjast í París undir mánaðarlok. Engum þarf að koma á óvart þótt það verði raunin því lið þjóðanna hafa mæst í úrslitaleikjum síðustu stórmóta í kvennaflokki, þó ekki á síðustu Ólympíuleikum.
Eftir um hálfan mánuð leikur norska landsliðið tvisvar við danska landsliðið um 10 dögum fyrir Ólympíuleikana.