Báðir markverðir Gróttu hafa róið á önnur mið

Japanski markvörðurinn Shuhei Narayama er farinn frá Gróttu og aftur heim til Japans, ef marka má skrá HSÍ yfir félagaskipti síðustu daga og vikur. Narayama kom til liðs við Gróttu fyrir síðasta tímabil og var annar helsti markvörður liðsins í Olísdeildinni.

Þar með hefur Grótta séð á bak báðum markvörðum sínum sem helst komu við sögu á síðasta keppnistímabili. Auk Narayama ákvað Einar Baldvin Baldvinsson að ganga til liðs við Aftureldingu, eins og skýrt var frá fyrir rúmum mánuði.

Karlar – helstu félagaskipti 2024