Valur á góða möguleika á að öðlast sæti í riðlakeppni Evrópudeildar karla í handknattleik á næstu leiktíð. Segja má að Valur hafi sloppið vel þegar dregið var í forkeppni Evrópudeildarinnar í morgun. Valur mætir RK Bjelin Spacva Vinkovci frá Króatíu heima og að heiman. Fyrri leikirnir verða 31. ágúst eða 1. september og þeir síðari 7. og 8. september.
Sigurliðið tekur þátt í 32-liða úrslitum Evrópudeildarinnar sem fram fer frá okótóber og fram í byrjun desember. Íslandsmeistarar FH eru þegar öruggir um sæti í riðlakeppninni. Dregið verður í riðla á föstudaginn. Þá skýrist með hverjum FH verður í riðli og eins hverjum sigurvegarinn í einvígi Vals og RK Bjelin Spacva Vinkovci mætir.
Eftirtalin lið mætast í forkeppni Evrópudeildar karla:
(Portúgal) ABC de Braga – (Spánn) ABANCA Ademar Leon.
(Þýskaland) MT Melsungen – (Noregur) Elverum Håndbold.
(Slóvenía) RK Trimo Trebnje – (Frakkland) Limoges Handball.
(Sviss) GC Amicitia Zürich – (Sviss) HC Kriens-Luzern.
(Danmörk) Mors-Thy Handbold – (Þýskaland) VfL Gummersbach.
Valur – (Krótatía) RK Bjelin Spacva Vinkovci.
(Svíþjóð) IFK Kristianstad – (Spánn) Fraikin BM Granollers.
(Danmörk) Bjerringbro-Silkeborg – (Ungverjaland) FTC Green-Collect.
(Portúgal) Maritimo da Madeira Andebol SAD – (Svíþjóð) Ystads IF HF.
