Svavar Ingi Sigmundsson hefur snúið heim í KA eftir þriggja ára fjarveru og tekið við starfi yfirþjálfara handknattleiksdeildar.
Svavar Ingi, sem er 24 ára gamall, lék um nokkurra ára skeið með KA, jafnt í yngri flokkum og í meistaraflokki. Hann flutti suður fyrir þremur árum og lék með FH í einn vetur og var einnig yngriflokkaþjálfari sem og markmannsþjálfari yngriflokka og meistaraflokks kvenna.
Áður en Svavar Ingi flutti suður þjálfaði hann yngri flokki auk þess að vera markmannsþjálfari félagsins. Þá tók hann vel af skarið með metnaðarfullum æfingum á covid tímanum.
„Hann er nú snúinn aftur heim þar sem hann mun ásamt því að vera yfirþjálfari koma inn sem markmannsþjálfari meistaraflokks karla og yngriflokka félagsins auk þess að þjálfa 7. og 8. flokk,“ segir m.a. í tilkynningu KA í dag.
