Fram hafði betur gegn Stjörnunni í fyrsta leik liðanna í Olísdeild kvenna í handknattleik í kvöld, 33:22. Leikið var í Lambhagahöllinni í Úlfarsárdal. Framarar voru með sex marka forskot þegar fyrri 30 mínúturnar voru að baki, 19:13.
Framliðið gaf tóninn í upphafi með því að skora fimm fyrstu mörk leiksins og stefndi í að Stjarnan fengið svipaða útreið og gegn Val í Meistarakeppni HSÍ á laugardaginn. Það reyndist ekki gerast. Leikmenn Stjörnunnar létu slæman upphafskafla ekki slá sig út af laginu. Þeir skoruðu fjögur næstu mörk. Engu að síður var ljóst að Framarar ætluðu ekki að gefa neitt sérstaklega eftir. Liðið hélt góðu forskoti út hálfleikinn og jók aðeins í þegar kom fram í síðari hálfleik.
Mörk Fram: Þórey Rósa Stefánsdóttir 7/4, Alfa Brá Hagalín 7/1, Sóldís Rós Ragnarsdóttir 7/1, Steinunn Björnsdóttir 5, Hildur Lilja Jónsdóttir 2, Íris Anna Gísladóttir 2, Elín Ása Bjarnadóttir 1, Lena Margrét Valdimarsdóttir 1/1, Kristrún Steinþórsdóttir 1.
Varin skot: Andrea Gunnlaugsdóttir 6, 31,6% – Darija Zecevic 5, 35,7%.
Mörk Stjörnunnar: Eva Björk Davíðsdóttir 6/3, Anna Lára Davíðsdóttir 4/1, Anna Karen Hansdóttir 4, Guðmunda Auður Guðjónsdóttir 3, Vigdís Arna Hjartardóttir 2, Embla Steindórsdóttir 1, Hanna Guðrún Hauksdóttir 1, Julia Lönnborg 1.
Varin skot: Hrafnhildur Anna Þorleifsdóttir 18, 43,9% – Sigrún Ásta Möller 6, 37,5%.
Tölfræði HBStatz.
Staðan og næstu leikir í Olísdeildum.
Fyrr í dag birtust á handbolta.is við þjálfara beggja liða sem tekin voru fyrir viðureignina en því miður átti handbolti.is ekki þess kost að vera á tveimur stöðum á sama tíma í kvöld.
Tími uppbyggingar stendur yfir hjá Stjörnunni
Fram er klúbbur sem vill alltaf vera í fremstu röð
