Sigurður Dan sneri sig á ökkla

Sigurður Dan Óskarsson markvörður Stjörnunnar tognaði á ökkla á dögunum og leikur ekki með Stjörnunni um óákveðinn tíma. Hann sneri sig á ökkla á æfingu fyrir viku, daginn áður en Stjarnan sótti ÍBV heim í Olísdeild karla.

Sigurður Dan leikur þar af leiðandi ekki með Stjörnunni gegn Val í Olísdeildinni í kvöld þegar liðin mætast í Hekluhöllinni í Garðabæ. Flautað verður til leiks klukkan 19.30.

Adam Thorstensen og Daði Bergmann Gunnarsson standa vaktina meðan Sigurður Dan verður fjarri góðu gamni.

Staðan og næstu leikir í Olísdeildum.

Olísdeildir karla – fréttir.