Víkingur vann Þór í hörkuspennandi upphafsleik tímabilsins í Grill 66-deild karla í handknattleik í kvöld, 32:31. Leikurinn fór fram í Safamýri og var hin ágætasta skemmtun. Að sögn heimildarmanns handbolta.is var hörkugóð mæting áhorfenda á leikinn og gleðilegt að sjá hversu vel keppnin fer af stað.
Þórsarar voru lengi vel með yfirhöndina, m.a. 15:17, að loknum fyrri hálfleik. Framan af síðari hálfleik héldu norðanmenn frumkvæðinu. Víkingar voru aldrei langt undan. Þeir nýttu tækifærið þegar kom nærri leikslokum og stungu sér tveimur mörkum röð þegar um fimm mínútur voru eftir af leiktímanum, 29:28. Þórsurum tókst ekki nema að jafna metin eftir það.
Ásgeir Snær Vignisson innsiglaði sigurinn átta sekúndum fyrir leikslok, 32:30. Oddur Gretarsson minnkaði muninn í eitt mark á allra síðustu sekúndu. Það dugði skammt, eins og gefur að skilja.
Mörk Víkings: Sigurður Páll Matthíasson 8, Jóhann Reynir Gunnlaugsson 7, Ásgeir Snær Vignisson 6, Benedikt Emil Aðalsteinsson 3, Halldór Ingi Jónasson 3, Þorfinnur Máni Björnsson 2, Stefán Scheving Guðmundsson 1, Kristján Helgi Tómasson 1, Kristófer Snær Þorgeirsson 1.
Varin skot: Daníel Andri Valtýsson 7, Bjarki Garðarsson 2.
Mörk Þórs: Oddur Gretarsson 11, Brynjar Hólm Grétarsson 5, Hafþór Már Vignisson 4, Þormar Sigurðsson 3, Þórður Tandri Ágústsson 3, Garðar Már Jónsson 2, Aron Hólm Kristjánsson 2, Arnór Þorri Þorsteinsson 1.
Varin skot: Kristján Páll Steinsson 10.
Tölfræði leiksins.
Staðan og næstu leikur í Grill 66-deildum.
