Norska liðið Drammen er komið áfram í aðra umferð Evrópubikarkeppninnar í handknattleik karla eftir annan sigurleik á ítalska liðinu Pallamano Conversano, 38:27, á heimavelli í dag. Drammen vann einnig stóran sigur í fyrri leiknum á Ítalíu fyrir viku og vann þar með samanlagt, 81:58.
Viktor Petersen Norberg skoraði tvö mörk fyrir Drammen. Ísak Steinsson markvörður 20 ára landsliðs Íslands var í marki Drammen hluta leiksins í dag. Hann varði sex skot, 26%.
Drammen mætir ísraelska liðinu Holon Yuvalim Handball Club í annarri umferð Evrópubikarkeppninnar sem fram fer síðla í næstu mánuði. Fyrri viðureignin verður í Drammen.
Dregið var í fyrstu og aðra umferð Evrópubikarkeppninnar á sama tíma í sumar. Haukar eru eina íslenska liðið í keppninni í karlaflokki. Haukar leika við Cocks frá Finnlandi í annarri umferð en Hafnarfjarðarliðið sat yfir í fyrstu umferð.
