„Þetta var upp og niður leikur og sigurinn hefði getað fallið hvorum megin sem var, en þetta var eins og viðureignir liðanna eiga að vera, jafnar og spennandi,“ segir Daníel Freyr Andrésson markvörður FH sem átti stórleik þegar FH vann Hauka í æsilega spennandi leik í Kaplakrika í kvöld, 30:29, í Olísdeild karla í handknattleik.
FH skoraði þrjú síðustu mörkin í leiknum. Haukar voru hinsvegar með boltann í meira en mínútu í lokin en tókst ekki að jafna.
Daníel Freyr varði 18 skot, þar af tvö vítaköst. Ekki síst munaði um markvörslu hans úr opnum færum á síðustu mínútunum m.a. af línu og úr hornum.
„Síðustu 10 mínúturnar voru góðar hjá okkur sem skipti mestu máli þegar upp var staðið. Það gekk upp hjá okkur í dag og það er ógeðslega gaman,“ sagði Daníel Freyr markvörður himinsæll með sigurinn og stigin tvö í Hafnarfjarðarslagnum.
Nánar er rætt við Daníel Frey á myndskeiði efst í fréttinni.
Staðan og næstu leikir í Olísdeildum.
FH skoraði þrjú síðustu mörkin og vann grannaslaginn – myndir
Við fundum kerfi á þá í lokin auk þess sem Danni steig upp
