Íslands- og bikarmeistarar Vals í handknattleik kvenna eru komnir í aðra umferð Evrópubikarkeppninnar. Valur vann Zaslgiris Kaunas öðru sinni á tveimur dögum í dag, 34:28.
Samanlagt vann Valur með 20 marka mun í leikjunum tveimur, 65:45. Dregið verður í næstu umferð þriðjudaginn 15. október.
Valsliðið lék afar vel í fyrri hálfleik í og var með 10 marka forskot að honum loknum, 22:12. Liðið slakaði aðeins á klónni í síðari hálfleik enda engin hætt á að leikmenn Zaslgiris Kaunas væri að snúa taflinu við. Allir leikmenn Vals fengu að spreyta sig í leiknum og koma reynslunni ríkari heim á morgun.
Fjórtán marka sigur – Valur stendur vel að vígi
Mörk Vals: Þórey Anna Ásgeirsdóttir 7, Elísa Elíasdóttir, 4, Sigríður Hauksdóttir 4, Sara Lind Fróðadóttir 4, Ásthildur Þórhallsdóttir 3, Lovísa Thompson 3, Hildur Björnsdóttir 2, Ásdís Þóra Ásgeirsdóttir 2, Hildigunnur Einarsdóttir 2, Ásrún Inga Arnarsdóttir 1, Guðrún Hekla Traustadóttir 1, Thea Imani Sturludóttir 1.
Varin skot: Hafdís Renötudóttir 8, 40% – Silja Arngrímsdóttir Müller 8, 33,3%.
Leiknum var streymt:
