Valsmaðurinn Andri Finnsson var stöðvaður á háskalegan hátt í hraðaupphlaupi um miðjan síðari hálfleik í viðureign Vals og Porto í Evrópudeildinni í handknattleik í Kaplakrika í gærkvöld. Leonel Fernandes leikmaður Porto greip í hægri handlegg Andra þegar sá síðnefndi var í fullri ferð í átt að marki Porto.
Sjá einnig: Myndaveisla: Valur – FC Porto
Fernandes var umsvifalaust sýnt rauða spjaldið hjá eistnesku dómurunum Marion Kull og Alvar Tint og kom ekkert meira við sögu.
Mildi að ekki fór verr
Mildi er að ekki fór verr vegna þess að brot af þessu tagi, sem dregið hefur verulega úr á síðstu árum, geta haft alvarlegar afleiðingar fyrir axlarliðinn. Andri lá nokkra stund á gólfinu meðan hugað var að honum og mætti fljótlega til leiks á ný. Virðist hann hafa sloppið betur en áhorfðist.
Sjá einnig: Myndaveisla: FH – Gummersbach
Hafliði Breiðfjörð ljósmyndari náði svakalegum myndum af brotinu sem birtast hér fyrir neðan.
Smellið á myndirnar til að sjá þær stærri.
Sjá einnig: Mögnuð sýning Björgvins Páls skilaði stigi gegn Porto
