Teitur Örn Einarsson leikmaður Gummersbach og landsliðsins gerir sér vonir um leika með þýska liðinu á nýjan leik gegn HSV Hamburg á heimavelli 3. nóvember. Selfyssingurinn skotfasti hefur ekki leikið með Gummersbach síðan 22. september þegar hann meiddist í leik á útivelli við Leipzig í þýsku 1. deildinni.
Ef Teitur Örn nær ekki leiknum 3. nóvember mætir hann galvaskur til leiks með Gummersbach eftir miðjan nóvember þegar hlé vegna landsleikja verður afstaðið.
Teitur Örn var hér á landi með samherjum sínum í Gummersbach í upphafi vikunnar þegar þeir mættu FH í annarri umferð riðlakeppni Evrópudeildarinnar. Teitur Örn sagði útilitið vera gott varðandi meiðslin sem tengjast sin í annarri ilinni.
Hlé vegna landsleikja
Eftir leikinn hjá Gummersbach 3. nóvember tekur við tveggja vikna hlé á keppni í þýsku 1. deildinni vegna landsleikja í undankeppni Evrópumótsins 2026 en tvær fyrstu umferðir undankeppninnar verða leiknar í viku 45 og 46.
