Ágúst Ingi Óskarsson tryggði Gróttu annað stigið gegn FH í Hertzhöllinni í kvöld þegar hann jafnaði metin, 24:24, úr vítakasti eftir að leiktíminn var úti í viðureign liðanna í Olísdeild karla í handknattleik. Ágúst Ingi vann vítakastið nokkrum sekúndum áður þegar hann kom á mikilli siglingu á vörn FH hægra megi þar sem Ásbjörn Friðriksson stóð fyrir í vörninni og fékk ekki við neitt ráðið. Jöfnunarmarkið var það eina sem Ágúst skoraði í leiknum.
Gróttumenn skoruðu þrjú af síðustu fjórum mörkum leiksins eftir að Garðar Ingi Sindrason kom FH-ingum tveimur mörkum yfir, 23:21, þegar þrjár mínútur voru eftir í jöfnum og spennandi leik á Seltjarnarnesi. Skiptur hlutur var sanngjörn niðurstaðan.
Aron var ekki með
Aron Pálmarsson, sem var sterklega orðaður við vistaskipti til ungversku meistaranna Veszprém í gær, var ekki í leikmannhópi FH að þessu sinni.
FH hefur þar með jafnað Aftureldingu að stigum í efsta sæti Olídeildinni. Hvort lið hefur 11 stig, FH að loknum átta leikjum en Afturelding hefur lokið sjö leikjum.
Grótta er ásamt Val með níu stig í þriðja til fjórða sæti.
Einn traustasti leikmaður Gróttu á keppnistímabilinu var vikið af leikvelli með rautt spjald þegar rúmar 11 mínútur voru til leiksloka.
Staðan og næstu leikir í Olísdeildum
Mörk Gróttu: Jón Ómar Gíslason 7/2, Ari Pétur Eiríksson 3, Hafsteinn Óli Berg Ramos Rocha 2, Sæþór Atlason 2, Atli Steinn Arnarson 2, Jakob Ingi Stefánsson 2, Hannes Grimm 2, Elvar Otri Hjálmarsson 2, Lúðvík Thorberg Arnkelsson 1, Ágúst Ingi Óskarsson 1/1.
Varin skot: Magnús Gunnar Karlsson 15, 39,5% – Hannes Pétur Hauksson 0.
Mörk FH: Garðar Ingi Sindrason 4, Leonharð Þorgeir Harðarson 4, Símon Michael Guðjónsson 4/2, Birgir Már Birgisson 3, Jón Bjarni Ólafsson 2, Ásbjörn Friðriksson 2, Jakob Martin Ásgeirsson 2, Jóhannes Berg Andrason 2, Ágúst Birgisson 1.
Varin skot: Daníel Freyr Andrésson 11, 31,4%.
Tölfræði HBStatz.
