Ungverska meistaraliðið Veszprém settist í efsta sæti A-riðils Meistaradeildar Evrópu í handknattleik í kvöld eftir afar öruggan sigur á Eurofarm Pelister, 30:23, í Bitola í Norður Makedóníu. Hvorki Aron Pálmarsson né Bjarki Már Elísson skoruðu í leiknum. Reyndar komu þeir ekki mikið við sögu í en báðir voru í leikmannahópnum samkvæmt leikskýrslu.
Veszprém hefur 10 stig að loknum sex leikjum, er stigi ofan en Sporting Lissabon sem tapði í Búkarest í gær.
Eurofarm Pelister, sem er stigalaust eftir sex umferðir, átti aldrei möguleika gegn Veszprém.
Luka Cindric var frábær í kvöld með átta mörk og fjórar stoðsendingar fyrir Veszprém. Hugo Descat var næstur með sex mörk eins og landi hans Ludovic Fabregas. Filip Kuzmanovski skoraði sjö mörk fyrir Eurofarm Pelister. Spánverjinn Rodrigo Corrales var mjög góður í mark ungverska meistaraliðsins, varði 15 skot, 38%.
Öruggt hjá Barcelona
Evrópumeistarar Barcelona sýndu mátt sinn og megin á heimavelli í kvöld með sex marka öruggum sigri á þýska meistaraliðinu SC Magdeburg, 32:26. Barcelona er efsti í B-rðlimeð 12 stig eftir sex leiki. Magdeburg er sjöunda og næst neðsta sæti með þrjú stig en liðið hefur ekki náð sér á flug í Meistaradeildinni, það sem af er leiktíðar.
Aleix Gomez skoraði átta mörk og var markahæstur Barcelona-manna. Aitor Bengoechea var næstur með fimm mörk. Manuel Zehnder skoraði ex mörk fyrir Magdeburg og Albind Lagergren fjögur. Gísli Þorgeir Kristjánsson skoraði þrjú mörk fyrir Magdeburg og Ómar Ingi Magnússon eitt.
Staðan:
