Valsmenn kræktu í jafntefli gegn Fram, 31:31, í æsispennandi og stórskemmtilegum leik í Olísdeild karla í handknattleik í Lambhagahöllinni í kvöld. Framarar skoruðu ekki mark síðustu sex mínútur leiksins og misstu niður fjögurra marka forskot í jafntefli. Valsmenn geta þakkað fyrir annað stigið í leiknum. Þeir sitja áfram í þriðja sæti deildarinnar. Hafa nú 10 stig en Fram níu eins og Grótta í næsta sæti fyrir neðan.
Fram hóf leikinn betur og náði um skeið þriggja marka forskoti, 7:4. Valsarar hetru upp hugann í vörninni og þrjú hraðaupphlaup í röð skiluðu þeim jafnri stöðu, 7:7. Valsmenn virtust á þess tíma ná smá taki á leiknum og komast tveimur mörkum yfir, 8:10. Það entist ekki til lengdar. Framarar með Reynir Þór Stefánsson í broddi fylkingar jöfnuðu metin og héldu jöfnum leik nánast fram að hálfleik. Úlfar Páll Monsi Þórðarson skoraði 17. mark Vals í úr vítakasti á síðustu sekúnum fyrri hálfleik, 17:16.
Sex mínútum fyrir lok fyrri hálfleiks fékk Andri Finnsson leikmaður Vals beint rautt spjald fyrir brot á Reyni Þór Stefánssyni.
Framarar léku afar vel og voru með tögl og hagldir í síðari hálfleik. Þeir léku hrein út sagt frábærlega í rúmlega 20 mínútur. Sóknarleikurvar stórskemmtilegur með Reynir Þór, Marel Baldvinsson og Max Emil Stenlund í aðalhlutverkum.
Framliðið náði fjögurra marka forskot, 28:24, 31:27. Valsmenn voru í mestu vandræðum en tókst með seiglu að vinna upp upp forsotið á síðustu mínútum og jafnað metin.
Björgvin Páll Gústavsson markvörður tók heldur betur við sér. Hann varði allt hvað af tók og sendi margar frábærar sendingar fram völlinn á Úlf Pál Monsa Þórarson. Jafn og þett söxuðu Valsmenn upp forskot Fram.
Bæði lið fengu tækifæri á síðustu mínútum til að skoraði sigurmarkið en allt kom fyrir ekki.
Eflaust eru Framarar vonsviknir hafa ekki unnið leikinn. Að sama skapi eru leikmenn Vals eftlaust þakklátir að kræka í annað stigið.
Rúnar Kárason lék ekki með Fram vegna meiðsla í kálfa. Tryggvi Garðar Jónsson var heldur ekki í leikmannahópi Fram.
Staðan næstu leikir í Olísdeildum.
Mörk Fram: Reynir Þór Stefánsson 7, Marel Baldvinsson 6, Max Emil Stenlund 5, Þorsteinn Gauti Hjálmarsson 4, Ívar Logi Styrmisson 3/3, Theodór Sigurðsson 2, Eiður Rafn Valsson 2, Magnús Öder Einarsson 1, Dagur Fannar Möller 1.
Varin skot: Arnór Máni Daðason 9, 29% – Breki Hrafn Árnason 3, 25%.
Mörk Vals: Úlfar Páll Monsi Þórðarson 10/2, Ísak Gústafsson 5, Bjarni í Selvindi 4, Magnús Óli Magnússon 4, Allan Norðberg 3, Viktor Sigurðsson 2, Miodrag Corsovic 1, Kristófer Máni Jónasson 1, Agnar Smári Jónsson 1.
Varin skot: Björgvin Páll Gústavsson 15/1, 32,6%.
Staðan næstu leikir í Olísdeildum.
Handbolti.is var í Lambhagahöllinni og fylgist með leiknum í textalýsingu hér hér fyrir neðan.
