o
„Þetta var geggjað, allt annað en síðasti leikur gegn Pólverjum enda vorum við ákveðnar í að sýna á okkur rétta andlit það tókst sannarlega,“ sagði Berglind Þorsteinsdóttir landsliðskona í handknattleik í samtali við handbolta.is eftir sigur landsliðsins á Pólverjum, 30:24, í fyrri vináttuleika liðann í Lambhagahöll Framara í kvöld. Síðari leikurinn fer fram á morgun, laugardag, í Sethöllinni á Selfossi og hefst klukkan 16.
„Varnarleikurinn gekk mjög vel strax í upphafi og fyrri hálfleikur. Okkur tókst að trufla þær mjög vel. Fyrri hálfleikur var frábær en síðan misstum við aðeins niður þráðinn á kafla í síðari hálfleik en tókst að klára leikinn mjög vel,“ sagði Berglind ennfremur en hún lék sinn 27. landsleik að þessu sinni.
Berglind sagði að leikáætlunin hafi gengið mjög vel, þ.e. að leika sterka vörn og vera agaðar í sókn jafnt sem vörn.
„Svo var líka alvöru stemning og fullt af áhorfendum, bæði Íslendingar og Pólverjar. Mjög gaman,“ sagði Berglind sem vonast eftir að svipða verði upp á teningnum á Selfossi á morgun.
Lengra myndskeiðsviðtal er við Berglindi efst í þessari grein.
Stórbrotin frammistaða þegar Pólverjar voru grátt leiknir – myndir
