0
FH mætir sænska meistaraliðinu IK Sävehof í fjórðu umferð riðlakeppni Evrópudeildarinnar í handknattleik karla í Partille í Svíþjóð í kvöld. Flautað verður til leiks klukkan 17.45.
FH vann fyrri viðureign liðanna í Kaplakrika fyrir viku, 34:30.
Ásbjörn Friðriksson leikmaður FH og aðstoðarþjálfari fór yfir nokkur atriði í leik Sävehof-liðsins í samtali við Valgeir Þórð Sigurðsson sem er með FH í för í Svíþjóð. Einnig renndi Ásbjörn yfir leikatriði FH-liðsins.
Leikgreiningu Ásbjörn er hægt að horfa og hlusta á efst í þessari frétt.
Eftir því sem næst verður komist verður mögulegt að fylgjast með útsendingu frá viðureign IK Sävehof og FH gegn endurgjaldi í útsendingu hjá Livey á netinu.
Hjá Livey verður sennilega einnig á boðstólum útsending frá leik Vals og MT Melsungen sem hefst á Hlíðarenda klukkan 19.45.
