Erlingur Kristjánsson formaður kvennaráðs KA/Þórs í handbolta treysti sér ekki til þess að horfa á síðari úrslitaleik KA/Þórs og Vals í úrslitum Íslandsmóts kvenna í handknattleik á síðasta sunnudag. Í viðtali við Akureyri.net, fréttamiðil allra Akureyringa, segist hann ekki hafa treyst sér til að fylgjast með leiknum. Spennan hafi verið slík. Erlingur fór þess í stað í gönguferð til að dreifa huganum meðan leikurinn stóð yfir.
Erlingur er alls ekki nýgræðingur þegar kemur að íþróttum. Hann er einn dáðasti og reyndasti íþróttamaður Akureyrar og var m.a. fyrirliði knattspyrnuliðs KA þegar það varð Íslandsmeistari í 1989 og fyrirliði handknattleiksliðs sama félags þegar það vann Íslandsmeistaratitilinn í fyrsta sinn 1997.
Auk þess að vera nú formaður kvennaráðs KA/Þórs í handbolta leikur dóttir hans, Arna Valgerður, með KA/Þórsliðinu sem varð Íslandsmeistari.
Nánar er hægt að lesa um málið í frétt Akureyri.net sem finna má hér.
