Markadrottning Olísdeildar kvenna á nýliðnu keppnistímabili, Ragnheiður Júlíusdóttir, hefur skrifað undir nýjan samning við Fram sem gildir fram til loka leiktíðinnar vorið 2024. Ragnheiður hefur leikið með Fram nánast frá blautu barnsbeini og árum saman verið máttarstólpi hins sterka meistaraflokksliðs Fram og þar af leiðandi orðið bæði Íslands,- og bikarmeistari í nokkur skipti. Ragnheiður á 31 landsleik að baki sem hún hefur skoraði í 41 mark.
„Ragnheiður er mikil fyrirmynd fyrir yngri leikmenn og virkur félagsmaður sem er alltaf tilbúin til að aðstoða við að gera gott starf hjá okkur í Fram enn betra. Hún var valin besti leikmaður Fram á lokahófi deildarinnar á dögunum og einnig var hún valin íþróttamaður Fram árið 2020.
Þá er rétt að geta þess að Ragnheiður á afmæli í dag og óskum við henni kærlega til hamingju með daginn sem og samninginn,“ segir m.a. í tilkynningu frá handknattleiksdeild Fram vegna tíðindanna.
