Bikarmeistarar SC Magdegburg féllu í kvöld úr leik í 16-liða úrslitum þýsku bikarkeppninnar í handknattleik karla þegar liðið tapaði fyrr THW Kiel, 29:28, í hafnarborginni í Kílarflóa við strönd Eystrasalts.
Ómar Ingi Magnússon skoraði fjögur mörk í leiknum sem var jafn og skemmtilegur þótt úrslitin væru ekki til að gleðja alla. Gísli Þorgeir Kristjánsson tók þátt í leiknum, skoraði í tvígang og átti eina stoðsendingu.
Fleiri Íslendingar komu við sögu í leikjum kvöldsins eins og glöggt má sjá hér fyrir neðan.
Hannover-Burgdorf – Flensburg 26:33 (13:14).
-Heiðmar Felixson er aðstoðarþjálfari Hannover-Burgdorf.
HC Empor Rostock – Balingen 28:36 (19:19).
-Daníel Þór Ingason var ekki í leikmannahópi Balingen.
Eisenach – SC DHfK Leipzig 30:24 (15:10).
-Andri Már Rúnarsson skoraði 7 mörk fyrir Leipzig og Viggó Kristjánsson 4/1. Rúnar Sigtryggsson er þjálfari Leipzig.
Essen – Melsungen 27:32 (15:14).
-Arnar Freyr Arnarsson skoraði 3 mörk fyrir Melsungen og Elvar Örn Jónsson 1.
Kiel – Magdeburg 29:28 (14:14).
-Ómar Ingi Magnússon skoraði 4/2 mörk fyrir Magdeburg og Gísli Þorgeir Kristjánsson 2.
Coburg – Lemgo 29:28 (14:14).
Leikir annað kvöld:
Gummersbach – Bergischer HC.
Rhein-Neckar Löwen – Füchse Berlin.
