Víkingur vann HK, 28:26, í áttundu umferð Grill 66-deildar kvenna í handknattleik í Kórnum í Kópavogi í dag. Sigurinn var afar sannfærandi. Víkingsliðið var með yfirhöndina frá upphafi til enda. Staðan að loknum fyrri hálfleik var 12:7, Víkingum í hag. Úrslitin teljast nokkuð óvænt eins og spilast hefur úr leikjum Grill 66-deildar kvenna fram til þessa.
Tapið setur strik í reikning HK-inga sem áttu þess kost að setjast í annað sæti Grill 66-deildarinnar með sigri. Víkingsliðið var hinsvegar ekki á þeirri skoðun að gefa HK-ingum eitthvað. Liðið var með eins til þriggja marka forskot allan síðari hálfleikinn og tryggði sér þriðja sigurinn í deildinni á leiktíðinni.
Víkingur situr í sjötta sæti af 12 liðum deildarinnar með sjö stig.
HK er í þriðja sæti með 11 stig að loknum 11 leikjum eins og Afturelding sem tapaði í gærkvöld. Fram2 situr í öðru sæti með 12 stig. KA/Þór er efst og taplaust með 15 stig.
Aðeins er einn leikur eftir fyrir áramót í Grill 66-deild kvenna, Valur2 og Haukar2 eigast ekki við fyrr en 10. desember. Næstu leikir Víkings og HK í deildinni verða ekki fyrr en 5. janúar þegar til stendur að heil umferð fari fram.
Staðan og næstu leikir í Grill 66-deildum.
Mörk HK: Aníta Eik Jónsdóttir 5, Anna Valdís Garðarsdóttir 4, Tinna Ósk Gunnarsdóttir 4, Leandra Náttsól Salvamoser 3, Hekla Fönn Vilhelmsdóttir 3, Amelía Laufey G. Miljevic 2, Stella Jónsdóttir 2, Berglind Gunnarsdóttir 1, Jóhanna Lind Jónasdóttir 1, Katrín Hekla Magnúsdóttir 1.
Varin skot: Danijela Sara Björnsdóttir 12.
Mörk Víkings: Auður Brynja Sölvadóttir 8, Hafdís Shizuka Iura 4, Ivana Jorna Meincke 4, Ída Bjarklind Magnúsdóttir 3, Andrea Ósk Þorkelsdóttir 2, Arnbjörg Bertha Kristjánsdóttir 2, Sunna Katrín Hreinsdóttir 2, Díana Ágústsdóttir 1, Helga Lúðvíka Hallgrímsdóttir 1, Ester Inga Ögmundsdóttir 1.
Varin skot: Signý Pála Pálsdóttir 12.
