Handknattleiksmaðurinn Ísak Gústafsson leikur ekki aftur með bikarmeisturum Vals fyrr en í febrúar. Það staðfesti Ísak við handbolta.is í dag. Ísak varð fyrir því óláni að rífa liðþófa í öðru hnénu í viðureign við Vardar í einum leikja riðlakeppni Evrópudeildarinnar.
Var að koma úr aðgerð
„Ég var að koma úr aðgerð. Stefnan er sett á fyrsta leik í febrúar ef allt gengur vel,“ sagði Ísak við handbolta.is.
Ísak hefur ekki tekið þátt í tveimur síðustu leikjum Vals í Olísdeildinni, gegn ÍBV og Aftureldingu.
Ljóst er að Ísak missir af viðureign Vals og Gróttu í 16-liða úrslitum Poweradebikarsins á Hlíðarenda annað kvöld, leik við Stjörnuna í Olísdeildinni á föstudaginn og einnig bikarleik í átta liða úrslitum við Fram 18. desember, þ.e.a.s. ef Val tekst að vinna Gróttu í 16-liða úrslitum annað kvöld.
Ísak gekk til liðs við Val frá Selfossi sumarið 2023. Hann hefur skoraði 46 mörk í 10 leikjum í Olísdeildinni á yfirstandandi keppnistímabili.
