„Það er ótrúlega gott hjá okkur að vinna Val. Þótt Valur hafi ekki verið frábær upp á síðkastið þá eru liðið alltaf tilbúnið þegar mikið er undir. Það sást best á Bjögga [Björgvin Páll Gústavsson] þótt hann hafi oft leikið betur þá hélt hann Val inni í leiknum á köflum,“ sagði Einar Jónsson þjálfari Fram sem var skiljanlega ánægður með að vinna Val, 35:32, og komst í undanúrslit Poweradebikarsins í handknattleik
Einar sagði e.t.v. hafi munurinn á liðunum legið í meiri breidd í Framliðinu í leiknum.
„Við höfðum fleiri ferska fætur. Við erum með meiri breidd og það skilur á milli að, annars var leikurinn hnífjafn allt þar til lokin svo það var ekki mikið sem munaði á liðunum,“ sagði Einar spurður hvað hafi skilið á milli liðanna þegar upp var staðið í Lambhagahöllinni að þessu sinni.
Gaman að enda árið á sigri
„Þetta var drulluerfitt en mjög flott þegar úrslitin liggja fyrir,“ sagði Einar sem segir Framarar ætla sér að vinna bikarkeppnina. „Við erum á flottu róli og það er gaman að enda árið á þessum sigri.“
Lengra viðtal við Einar er í myndskeiði í þessari grein.
Áhorfendur eru beðnir afsökunar á stillingavanda upptökumanns í viðtalinu en verið er að læra á nýtt upptökutæki.
Sjá einnig: Vorum bensínlausir í mörgum þáttum
Bikarmeistararnir eru úr leik – Framarar öflugri á lokakaflanum
