Akureyringurinn Aldís Ásta Heimisdóttir og liðsfélagar í Skara HF fara vel af stað í sænsku úrvalsdeildinni í handknattleik eftir EM-hléið. Þær unnu í kvöld annan leik sinn í röð er liðsmenn Kungälvs komu í heimsókn og máttu fara tómhentir heim á ný. Skara vann leikinn 22:20, og færðist upp í fjórða sæti með 10 stig að loknum 10 leikjum.
Aldís Ásta skoraði tvö mörk í fjórum skotum og átti einnig þrjár stoðsendingar.
Á sunnudaginn vann Skara lið VästeråsIrsta HF, 31:25, einnig á heimavelli.
Jóhanna Margrét Sigurðardóttir, Berta Rut Harðardóttir og leikmenn Kristianstad HK hafa ekki ennþá hafið keppni í sænsku úrvalsdeildinni eftir EM-hlé. Nýverið var ráðinn nýr þjálfari til Kristianstad. Verður áhugavert að sjá hvort honum takist til við að snúa gæfuhljólinu.
