Eyjamaðurinn Arnór Viðarsson leikur með þýska handknattleiksliðinu Bergischer HC út keppnistímabilið. Danska liðið Fredericia HK greindi frá þessu rétt fyrir hádegið. Arnór hefur verið samningsbundinn danska félaginu frá því í sumar. Hann hefur hinsvegar ekki átt upp á pallborðið hjá þjálfaranum, Guðmundi Þórði Guðmundssyni, síðustu vikur og vildi þar með gjarnan komast annað.
Arnór Þór Gunnarsson fyrrverandi landsliðsmaður er annar þjálfara Bergischer HC og með liðinu leikur m.a. Tjörvi Týr Gíslason.
Bergischer HC, sem varð til fyrir nærri 20 árum við sameiningu Wuppertal og Solingen, er með bækistöðvar um 40 km norðan við Köln, er í efsta sæti 2. deildar þýska handknattleiksins eftir að hafa fallið úr 1. deild í vor sem leið.
Fredericia HC segir í tilkynningu að Arnór hafi tekið þátt í 18 leikjum á tímabilinu, skoraði 16 mörk og gefið þrjár stoðsendingar.
Sjá einnig: Arnór er úti í kuldanum hjá Fredericia – reynir að komast annað á lán
