Handknattleiksmaðurinn efnilegi, Ísak Logi Einarsson, hefur skrifað undir nýjan samning við Stjörnuna. Ekki kemur fram í tilkynningu Stjörnunnar til hvers langs tíma pilturinn er samningsbundinn félaginu.
Ísak Logi, sem er sonur Einars Gunnars Sigurðssonar fyrrverandi landsliðsmanns og leikmanns Selfoss og Aftureldingar, gekk til liðs við Stjörnunar sumarið 2023 eftir veru hjá Val um nokkurt skeið. Hann lék upp yngri flokka Stjörnunnar.
Ísak Logi hefur verið í vaxandi hlutverki með Stjörnuliðinu á leiktíðinni og var t.d. aðsópsmikill á dögunum í viðureign Stjörnunnar og ÍR í átta liða úrslitum Poweradebikarsins, leik sem Ísak Logi og félagar unnu.
„Ísak Logi er gríðarlega efnilegur leikmaður sem hefur tekið miklum framförum í vetur. Við bindum miklar vonir við Ísak sem hefur gripið tækifærið í vetur og er orðinn einn af okkar lykilmönnum. Við erum gríðarlega ánægðir með að hann hafi framlengt samninginn sinn við okkur í Stjörnunni,“ segir m.a. í tilkynningu Stjörnunnar í morgun.
