Afturelding komst aftur upp á hlið HK með 15 stig í þriðja sæti Grill 66-deildar kvenna í handknattleik með öruggum sigri á táningaliði Vals2 í N1-höllinni á Hlíðarenda, 24:14.
Aftureldingarliðið var fjórum mörkum yfir í hálfleik, 12:8.
Mosfellingar hafa þar með 15 stig eftir 10 leiki eins og HK, fjórum stigum á eftir KA/Þór sem lagði Hauka2 í gærkvöld, eins og áður hefur verið sagt frá.
Nokkra leikmenn vantaði í Valsliðið sem var á heimleið eftir þátttöku í Evrópubikarkeppni á Spáni í gær.
Næstu leikir í deildinni verða 17., 18. og 19. janúar.
Staðan og næstu leikir í Grill 66-deildum.
Mörk Vals2: Laufey Helga Óskarsdóttir 5/4, Sigrún Erla Þórarinsdóttir 3, Alba Mist Gunnarsdóttir 2, Guðrún Ásta Magnúsdóttir 1, Lena Líf Orradóttir 1, Anna Margrét Alfreðsdóttir 1, Eva Steinsen Jónsdóttir 1.
Varin skot: Arna Sif Jónsdóttir 7.
Mörk Aftureldingar: Lovísa Líf Helenudóttir 6, Susan Ines Gamboa 6, Katrín Helga Davíðsdóttir 3, Drífa Garðarsdóttir 2, Ásdís Halla Helgadóttir 1, Hulda Dagsdóttir 1.
Varin skot: Saga Sif Gísladóttir 8/1, 47,1% – Ingibjörg Gróa Guðmundsdóttir 4, 44,4%.
