Íslenska landsliðið í handknattleik karla kom til Zagreb í dag eftir ferðalag frá Kaupamannahöfn. Leikmenn þjálfarar og starfsmenn voru komnir á hótel í miðborg Zagreb á öðrum tímanum í dag. Þegar hópurinn hafði snætt málsverð og komið sér fyrir var haldið til æfingar í æfingasal en ekki var æft í keppnishöllinni í dag.
HM karla 2025 – leikdagar, leikstaðir, leiktímar
Landsliðið hefur verið við æfingar og keppni í Svíþjóð síðan á miðvikudaginn. Tvisvar var leikið við sænska landsliðið. Jafntefli var í fyrri leiknum, 31:31, en tap í þeim síðari, 26:24, á síðasta laugardag.
Fyrsti leikur íslenska landsliðsins á HM verður á fimmtudaginn gegn landsliði Grænhöfðaeyja. Flautað verður til leiks klukkan 19.30. Næsta viðureign verður gegn Kúubmönnum á laugardag og loks við Slóvena á mánudaginn eftir viku.
Handbolti.is er á leiðinni til Zagreb. Blaðamaður og ljósmyndari koma til borgarinnar í kvöld. Jón Gunnlaugur Viggósson starfsmaður HSÍ sendi handbolta.is myndirnar hér að ofan.
